திருஞானசம்பந்தர் அருணகிரிநாதர் குமரகுருபரர் போன்றோரால் பாடல் பெற்ற தளமாக விளங்குவது திருவாடானை ஆகும். தென்பாண்டி நாட்டின் எட்டாவது தளமாக விளங்கும் திருவாடானையில் அரசு கலை மற்றும் அறிவியல் கல்லூரி 2013-ம் ஆண்டு துவங்கப்பட்டது. அவ்வாண்டிலேயே பி.ஏ(தமிழ்) பட்ட வகுப்பும் தொடங்கப்பட்டது. கிராமத்து மாணவர்களுக்கு தமிழை வளர்க்கும் வகையில் கருத்தரங்குகள் பயிலரங்குகள் சிறப்பு சொற்பொழிவுகள் ஆகியன அவ்வபோது இத்துறையில் நிகழ்ந்து வருகின்றன.

மணிமேகலை கால சமயங்களில் முற்கால நிலையும் பிற்கால நிலையும் என்ற தலைப்பில் பத்து நாள் பயிலரங்கமும் செம்மொழி இலக்கியங்களில் பல்துறை அறிவியல் சிந்தனைகள் என்ற தலைப்பில் பத்து நாள் பயிலரங்கமும் மாணவர்களுக்காக சென்னை செம்மொழி மத்திய நிறுவனத்தின் சார்பில் நடத்தப்பட்டது.

மணிமேகலை கால சமயங்களில் முற்கால நிலையும் பிற்கால நிலையும் என்ற தலைப்பில் ஒரு ஆய்வு திட்டமும் தொண்டியின் வரலாறும் அதன் நாட்டுப்புற இலக்கிய வளங்களும் என்ற தலைப்பில் ஒரு ஆய்வு திட்டமும் நடத்தி நிறைவேற்றப்பட்டுள்ளது.

2017-18-ம் கல்வியாண்டில் தமிழ்த்துறை முதுகலை தமிழ்த்துறையாக உயர்வு பெற்றது மேலும் அழகப்பா பல்கலைக் கழகத்தின் தமிழ்த்துறையின் கீழ் இயங்கும் முனைவர் பட்ட துணை ஆய்வு மையமாக இக்கல்லூரி விளங்கி வருகிறது. இதில் பகுதி நேரமாக முனைவர் பட்ட ஆய்வாளர்கள் ஆய்வு செய்து வருகின்றனர்.